Добредојдовте на веб локацијата на Одделението за соработка со невладините организации

 

Почитувани посетители,

 

Добредојдовте на веб локацијата на Одделението за соработка со невладини организации на Генералниот секретаријат на Владата. Одделението е формирано како резултат на заложбите на Владата на Република Северна Македонија за институционализирање на соработката, промовирање, поддршка и унапредување на партнерските односи со граѓанскиот сектор.

Одделението е надлежно да го следи и координира спроведувањето на Стратегијата на Владата за соработка со и развој на граѓанскиот сектор, се грижи за унапредување на соработката на Владата со граѓанскиот сектор, преку вклучување на граѓанските организации во процесот на креирање политики и создавање услови за финансиска одржливост на граѓанскиот сектор, врши стручно-административна поддршка на работата на Советот за соработка со и развој на граѓанскиот сектор, Комисијата за распределба на финансиски средства наменети за финансирање на програмските активности на здруженија и фондации и на Комисијата за организации со статус од јавен интерес.

Во соработката со граѓанскиот сектор, Одделението ги почитува принципите на взаемна доверба, партнерство, независност, плурализам, учество, транспарентност, одговорност, еднакви можности и недискриминација.

Macedonian

Листа на кандидати според бројот на добиени гласови за член и заменик член на Советот за соработка меѓу Владата и граѓанското општество во областа Заштита на маргинализираните лица

Врз основа на член 7 од Одлуката за формирање на Совет за соработка меѓу Владата и граѓанското општество, Генералниот секретаријат на Владата – Одделение за соработка со невладини организации, објавува Листа на кандидати според бројот на добиени гласови за члени и заменик член на Советот за соработка меѓу Владата и граѓанското општество од редот на здруженијата и фонданциите во областа Заштита на маргинализираните лица.

Листа на кандидати според бројот на добиени гласови

Macedonian

Шеснаесетти повик на УНЕСКО за финансирање на проекти во рамките на Меѓународниот фонд за културна разновидност за 2025 година

 

Националната комисија за УНЕСКО на Република Северна Македонија информира за 16. повик на УНЕСКО за поднесување проекти за финансирање во рамките на Меѓународниот фонд за културна разновидност за 2025 година. Предлог-проектите треба да се достават исклучиво преку официјалната платформа на УНЕСКО за аплицирање, најдоцна до 21 мај 2025 година. Детални информации за повикот и за процесот на аплицирање може да се добијат на следниов линк: https://www.unesco.org/creativity/en/ifcd/apply.

Macedonian

Јавен повик за избор на претставници на здруженија и фондации во советодавни и работни тела на Владата и органите на државна управа

Врз основа на член 2 став 1 алинеја 11 од Одлуката за формирање на Совет за соработка меѓу Владата и граѓанското општество и заклучоците од Конститутивната седница одржана на 7 април 2025 година, Советот за соработка меѓу Владата и граѓанското општество објавува Јавен повик за избор на:

  • тројца претставници на здруженија, од кои најмалку еден претставник на здруженија од областа на заштита на маргинализираните лица, за членови на Националниот совет за развој;
  • двајца претставници на здруженија кои најмалку 10 години спроведуваат активности од областа на превенцијата и борба против корупцијата, за член и заменик член на Меѓуресорското тело за координација на активностите против корупцијата;
  • еден претставник на здружение или фондација, кој има завршено високо образование и има најмалку пет години работно искуство во секторот/дејноста Уметност, од кои две години во областа на доживотното учење и квалификации, за член на Секторската комисија за уметност, согласно член 18 од Законот за националната рамка на квалификации;
  • двајца претставници на здруженија или фондации за членови на Секторската работна група за локален и регионален развој и
  • двајца претставници на здруженија или фондации од областа на социјална заштита, за член и заменик член во Управниот одбор на проектот „Поддршка на системот за обезбедување на квалитет на социјалните услуги“ (EC-NEAR/SKP/2024/EA-RP/0009) финансиран од Европската унија.

Рокот за поднесување на пријавите е најдоцна до 25 април 2025 година.

Јавен повик

Образец на пријава

Macedonian

Pages

Subscribe to Одделението за соработка со невладините организации RSS