Одделението за соработка со невладините организации

Работилница за следење и известување за спроведување на Стратегија на Владата за соработка со и развој на граѓанското општество

На 17.01.2023 година во соработка со проектот „Техничка поддршка за подобрување на овозможувачката средина за граѓанските организации во Република Северна Македонија“, финансиран од Европската Унија, се одржа Работилница за следење и известување за спроведувањето на Стратегијата на Владата за соработка со и развој на граѓанското општество 2022-2024, за членовите на Мрежата на државни службеници за соработка со граѓанското општество.
Одржани консултативни средби за Нацрт-извештајот за спроведување на Стратегијата 2022-2024

Одделението за соработка со невладини организации на Генералниот секретаријат на Владата заедно со Граѓанскиот ресурсен центар, во периодот 14-16 март во Гостивар, Скопје и Штип, организираа три консултативни средби за Нацрт-извештајот за напредокот во спроведувањето на Акцискиот план за спроведување на Стратегијата на Владата на Република Северна Македонија за соработка со и развој на граѓанското општество 2022-2024 и постигнување на стратешките и оперативните цели во 2022 година. На консултативните средби, повеќе од 70 претставници на граѓански организации дискутираа за статусот на спроведувањето на активностите и дадоа предлози за приоритетите во спроведувањето на Стратегијата во следниот период.
Одржани консултативни тркалезни маси поврзани со Законот за здруженија и фондации

На 12 и 13 декември 2022 година во Скопје се одржаа четири консултативни тркалезни маси на теми: Правно препознавање на други форми на здружување, Организации и активности од јавен интерес, Заштита на непрофитниот карактер и Овозможувачка околина за граѓанските организации. Тркалезните маси беа организирани од проектот „Техничка поддршка за подобрување на овозможувачката околина за граѓанските организации во Република Северна Македонија“ финансиски поддржан од ЕУ, во рамките на поддршката на Работната група при Министерството за правда која работи на измените и дополнувањата на Законот за здруженија и фондации.

Оглас за избор на два члена на Комисијата за организации со статус на јавен интерес

Владата на Република Македонија – Генерален секретаријат распишува Оглас за избор на два члена на Комисијата за организации со статус на јавен интерес, од организации регистрирани согласно Законот за здруженија и фондации. Кандидатите за членови треба да имаат експертиза од областа на граѓанскиот сектор и познавање на националното законодавство поврзано со некоја од областите определени како дејности на јавен интерес во член 74 од Законот за здруженија и фондации. Рокот за пријавување на кандидатите е 12 февруари 2016 година.

Оглас

Language Macedonian

Оглас за финансиска поддршка на здруженија и фондации

Владата на Република Македонија –Генерален секретаријат распишува Оглас за финансиска поддршка на здруженија и фондации за распределба на средствата од Буџетот на Република Македонија за 2016 година, во вкупен износ од 12.000.000,00 денари, кои ќе се користат за финансирање на програмските активности на здруженија и фондации, преку грантови за програми (проекти) во 4 приоритетни области. Рокот за поднесување на пријавите е најдоцна до 26.02.2016 година.

Оглас за финансиска поддршка на здруженија и фондации

Пријава за финансиска поддршка на здруженија и на фондации

Предлог – проект

Language Macedonian

Промоција на договорите за грант од ИПА 2011

На 18.12.2015 година, со почеток во 10:30 часот, во просториите на ЕУ Инфо центарот на Делегацијата на Европската унија, беше промовирано потпишувањето на договорите за грант финансирани од Европската унија во рамките на ИПА ТАИБ 2011 грантовата шема „Понатамошен развој и финансиска одржливост на граѓанскиот сектор“

Извештај

Language Macedonian

Консултативна средба со граѓанскиот сектор

На 21.12.2015 година(понеделник), од 10:00 до 12:00 часот, во ЕУ Инфо центарот (Делегација на Европската унија, Св.Кирил и Методиј бр.52б, Скопје) ќе се одржи консултативна средба со граѓанскиот сектор во врска со целите и приоритетните области од ИПА 2013 грантовата шема „Зголемено учество на граѓанскиот сектор во реформите поврзани со интеграцијата во ЕУ“. Заинтересираните граѓански организации можат да го пријават своето учество на следната е-меил адреса: nvosorabotka@gs.gov.mk.