Jump to Navigation

Добредојдовте на веб локацијата на Одделението за соработка со невладините организации

 

Почитувани посетители,

 

Добредојдовте на веб локацијата на Одделението за соработка со невладини организации на Генералниот секретаријат на Владата. Одделението е формирано како резултат на заложбите на Владата за институционализирање на соработката, промовирање, поддршка и унапредување на партнерските односи со граѓанскиот сектор.

Одделението е надлежно да го следи и координира спроведувањето на Стратегијата на Владата за соработка со и разој на граѓанскиот сектор, се грижи за унапредување на соработката на Владата со граѓанскиот сектор, преку вклучување на граѓанските организации во процесот на креирање политики и создавање услови за финансиска одржливост на граѓанскиот сектор, врши стручно-административна поддршка на работата на Советот за соработка со и развој на граѓанскиот сектор, Комисијата за распределба на финансиски средства наменети за финансирање на програмските активности на здруженија и фондации и на Комисијата за организации со статус од јавен интерес.

Во соработката со граѓанскиот сектор, Одделението ги почитува принципите на взаемна доверба, партнерство, независност, плурализам, учество, транспарентност, одговорност, еднакви можности и недискриминација.

Објавен Извештај од анкетата за идентификација на мрежите на граѓанските организации

Граѓанскиот ресурсен центар, на иницијатива на Одделението за соработка со невладини организации, како дел од активноста за поддршка на работата на државните институции релевантни за развој на граѓанските организации, спроведе онлајн-анкета за мапирање на мрежи на граѓански организации, во која учествуваа 113 организации.

Анкетата имаше за цел идентификување на мрежите, коалициите и други здружувања на граѓански организации, како и директен придонес кон спроведување на Стратегијата на Владата за соработка со и развој на граѓанскиот сектор 2018-2020 и активно вклучување на тематските мрежи на граѓански организации во работни групи за изработка на прописи и стратешки документи на Владата и органите на државната управа.

Оглас за финансиска поддршка на здруженија и фондации


Владата на Република Македонија – Генерален секретаријат распишува Оглас за финансиска поддршка на здруженија и фондации за распределба на средствата од Буџетот на Република Македонија за 2019 година, во вкупен износ од 12.000.000,00 денари, кои ќе се користат за финансирање на програмските активности на здруженија и фондации, преку 20 грантови во износ од 600.000,00 денари за програми/проекти во осум приоритетни области. Рокот за поднесување на пријавите е најдоцна до 5.3.2019 година.

Оглас за финансиска поддршка на здруженија и фондации

Пријава за финансиска поддршка на здруженија и фондации

Предлог-Проект

Одржана дебата Стратегијата креатор на овозможувачко опкружување за граѓанските организации

На 24-ти јануари, се одржа дебата на тема „Стратегијата креатор на овозможувачко опкружување за граѓанските организации“, организирана во рамки на Граѓанскиот ресурсен центар, а во соработка со Одделението за соработка со невладини организации на Генералниот секретаријат.  

Целта на дебатата беше презентирање на Стратегијата на Владата на Република Македонија за соработка со и развој на граѓанскиот сектор 2018-2020 и динамиката на нејзино спроведување, улогата на Советот за соработка со и развој на граѓанскиот сектор при спроведувањето на Стратегијата, како и поддршката што ја дава Европската Унија во развојот на граѓанското општество.

Дебата на тема Стратегијата креатор на овозможувачко опкружување за граѓанските организации

На 24-ти јануари со почеток во 10:00 часот, ќе се одржи јавна дебата на тема Стратегијата креатор на овозможувачко опкружување за граѓанските организации.

Целта на дебатата е презентирање на Стратегијата за соработка со и развој на граѓанскиот сектор 2018-2020 година како и динамиката на спроведување на истата. На дебатата ќе се дискутира и за улогата на Советот за соработка со и развој на граѓанскиот сектор при спроведувањето на Стратегијата, како и за поддршката која ја дава Европската Унија во развојот на граѓанското општество.

Одржани консултации со граѓанските организации за Предлог-програмата за финансирање на програмските активности на здруженијата и фондациите за 2019 година

На 17.12.2018 година во просториите на Граѓанскиот ресурсен центар, Одделението за соработка со невладини организации на Генералниот секретаријат на Владата на Република Македонија одржа консултации со граѓанските организации за Предлог-програмата за финансирање на  програмските активности на здруженијата и фондациите за 2019 година.

Консултации за Предлог-Програмата за финансирање на програмските активности на здруженијата и фондациите за 2019 година

Одделението за соработка со невладини организации на Генералниот секретаријат на Владата на Република Македонија организира консултации со граѓанските организации за Предлог-програмата за финансирање на  програмските активности на здруженијата и фондациите за 2019 година, што ќе се одржат на 17.12.2018 година (понеделник) со почеток во 11:00 часот, во просториите на Граѓанскиот ресурсен центар (ул. Кирил и Методиј бр.50, Скопје).

Pages

Subscribe to Одделението за соработка со невладините организации RSS


Одделение за соработка со невладини организации

на Генералниот секретаријат на Владата

Бул: Илинден бр.2

1000 Скопје, Република Северна Македонија

Телефонски број: 02/3118022 локал 191 или 307

nvosorabotka@gs.gov.mk

Спроведување на стратегија

Финансиска поддршка

Предлози од граѓански сектор

 

Copyright © 2015 nvosorabotka.gov.mk

 

Содржините на оваа страница можат да се објавуваат

без посебна дозвола со наведување на изворот.

by Dr. Radut