Одделението за соработка со невладините организации, е во состав на Секторот за анализа на политики и координација во Генералниот секретаријат на Владата на Република Македонија. Одделението е формирано во ноември 2004 година, како резултат на заложбите на Владата за институционализирање на соработката со граѓанскиот сектор.

Неговото основање значи дефинирање јасна политика на Владата за развој и континуирана соработка со граѓанскиот сектор, за градење на доверба и партнерски однос.

Преку Одделението се овозможува унапредување на соработката меѓу Владата и органите на државната управа со граѓанскиот сектор, за идно негување сеопфатни и поквалитетни односи меѓу државата и граѓанскиот сектор во функција на целокупниот прогрес на македонското општетство. Владата преку Одделението создаде предуслов за оспособување на државната администрација преку конкретни насоки да ја препознае улогата на граѓанскиот сектор и да го овозможи активното вклучување на граѓанскиот сектор во процесот на креирање на политики.


Основна цел на Одделението за соработка со невладините организации е координирање на спроведувањето на Стратегијата за соработка на Владата со граѓанскиот сектор и Акцискиот план за спроведување (2007 - 2011), воспоставување доверба и развој на институционалната соработка помеѓу Владата и граѓанските организации. Се очекува дека тоа ќе резултира со нова рамка за развој на современото граѓанско општество во Македонија и истовремено ќе се стимулира демократизација и модернизација во сите сегменти на општеството

Одделението претставува постојано и координативно тело како систем за добра соработка на Владата и граѓанскиот сектор.

Во спроведувањето на своите надлежности Одделението за соработка на Владата со граѓанските организации работи врз основа на принципите на заедничка доверба, партнерство, транспарентност, независност и одговорност.

---

 

Студиска посета на Канцеларијата за соработка со невладини организации на Хрватска

 

 

---

 

ПОВИК

за учество на граѓанскиот сектор во консултативниот процес за ИПА 2011, Компонента 1

 

 

Владата на Република Македонија започнува консултативен процес со граѓанскиот сектор за дефинирање на можни приоритетни проекти финансирани од фондовите на Европската унија преку Инструментот на Европската комисија за претпристапна помош (ИПА) Компонента 1 - Помош при транзиција и Институционална надградба за 2011 година.

 

Се повикуваат здруженијата и фондациите со свои коментари и предлози да придонесат кон подобрување на ефикасноста на апсорпцијата и економичното искористување на средствата од ИПА доделени на Република Македонија од Европската унија, преку финансирање проекти кои ќе придонесат за остварување на стратешките приоритети на Владата на Република Македонија во процесот на интеграција на Република Македонија во Европската унија.

 

Вашите коментари и забелешки можете да ги испратите преку пополнување на следниов формулар и негово доставување на електронската адреса на Одделението за соработка со невладини организации во Генералниот секретаријат на Владата на Република Македонија ( Оваа адреса на е-пошта е зашититена од спем-ботови, потребно е да го вклучите Javascript-от за да ја погледнете ), најдоцна до 18 јуни 2010 година.

 

Секретаријатот за европски прашања, Генералниот секретаријат на Владата на Република Македонија и Делегацијата на Европската унија на 22 јуни 2010 година во 10:00 часот, во Дебатната сала во Владата на Република Македонија ќе организираат консултативна средба со претставници на здруженијата и фондациите кои доставиле писмени коментари и забелешки во наведениот рок, со цел низ дискусија да се дојде до дефинирање на приоритетните области за ИПА 2011, Компонента 1 кои ќе го одразуваат и ставот на граѓанскиот сектор.

 

Преглед на предлог - проекти доставени од институциите за ИПА компонента 1 2011