На 25.10.2024 година се одржа втората од серијата средби „Дијалог меѓу Владата и граѓанскиот сектор“ на тема „Образование и младинско учество“, организирана во соработка со Меѓународниот републикански институт (ИРИ). На средбата, претседателот на Владата Христијан Мицкоски истакна дека образованието е столб на општеството и затоа е поставено високо меѓу владините приоритети.
На 25.09.2024 година, во просториите на Владата, се одржа првата од серијата средби со граѓанскиот сектор „Дијалог меѓу Владата и граѓанскиот сектор“, на тема „Владеење на правото, добро владеење и борба против корупција“, организирана во соработка со Меѓународниот Републикански Институт (ИРИ). Водечка цел на Владата на Република Северна Македонија е враќање на довербата на граѓаните во институциите, елиминирање на корупцијата и обезбедување на владеење на право.
На 7 април 2025 година, Советот за соработка меѓу Владата и граѓанското општество одржа конститутивна седница, на која поздравно обраќање имаа генералниот секретар на Владата, Игор Јанушев и заменикот на претседателот на Владата задолжен за политики на добро владеење, Арбен Фетаи. Генералниот секретар ја потенцираше посветеноста на Владата односите со граѓанските организации да ги гради врз основа на принципите на инклузивност и партиципативно планирање, сигурност и одговорност, отвореност и транспарентност, како неопходни инструменти за градење на еднаквост пред законот и одговорност на носителите на одлуки.“Во соработка и партнерство со граѓанските организации, со ефикасна и транспарентна работа на седниците на Советот, заедно ќе ја градиме државата како просперитетна, праведна и динамична демократија”, истакна Јанушев.
Врз основа на член 7 од Одлуката за формирање на Совет за соработка меѓу Владата и граѓанскиот општество, Генералниот секретаријат на Владата – Одделение за соработка со невладини организации објавува Извештај за пријавени организации со кандидати по Јавниот повик за избор на 14 членови и заменици членови на Советот за соработка меѓу Владата и граѓанското општество од редот на здруженијата и фондациите (објавен на 20.1.2025 година) и Јавен повик до сите активни организации да го дадат својот глас за еден од кандидатите во секоја од областите на нивното дејствување, согласно статутот. Гласањето се врши со пополнување на Образецот за гласање и негово доставување по пошта или електронска пошта на nvosorabotka@gs.gov.mk, до 27.2.2025 година.
Во прилог на образецот за гласање се доставува копија од Тековна состојба издадена од Централниот регистар. Гласањето се смета за успешно ако за кандидатот гласале најмалку пет организации.
Врз основа на Одлуката за формирање на Национално координативно тело за имплементација на Конвенцијата на Обединетите нации за правата на лицата со попреченост („Службен весник на РСМ“, бр. 17/25), Владата на Република Северна Македонија на ден 05.02.2025 година објави Јавен повик за изразување интерес за членување на граѓанскa организациja на лица со попреченост во Националното координативно тело за имплементација на Конвенцијата на Обединетите нации за правата на лицата со попреченост при Владата.
Рокот за доставување на потребната документација по пошта или до Архивата на Канцеларијата на претседателот на Владата е 13 февруари 2025 година.
Советот за соработка меѓу Владата и граѓанското општество е советодавно тело на Владата на Република Северна Македонија за унапредување на соработката, дијалогот и поттикнување на развојот на граѓанскиот сектор. Во претходните два мандати, Советот иницираше процеси и влијаеше во креирањето политики на Владата за создавање овозможувачка средина и развој на граѓанското општество.
Со цел во наредниот тригодишен период да се воспостави независен, репрезентативен и ефективен Совет за соработка меѓу Владата и граѓанското општество, Генералниот секретаријат на Владата објавува Јавен повик за избор на 14 членови и заменици членови на Советот од редот на здруженијата и фондациите.
Рокот за поднесување на пријавите е до 4 февруари 2025 година.
На 15 ноември 2024 година се одржа Националниот форум на Цивика мобилитас, организиран во соработка со Владата на Република Северна Македонија, како Годишна конференција на граѓанските организации за соработка меѓу Владата и граѓанското општество. На форумот учествуваа повеќе од 200 претставници на граѓански организации. Поздравно обраќање имаше амбасадорката на Швајцарија во Република Северна Македонија, Н.Е. Вероник Улман, а главни говорници беа: Христијан Мицкоски, претседател на Владата, Александар Кржаловски, лидер на тимот на Цивика мобилитас и Игор Јанушев, генерален секретар на Владата. Претседателот на Владата ја потврди отвореноста на Владата заедно да работи со граѓанскиот сектор и да најде заеднички решенија на реални проблеми. Генералниот секретар на Владата истакна дека Владата ќе поддржи независен и професионален граѓански сектор како партнер во креирањето на политиките и ќе спроведе реформи за зајакнување на финансиската поддршка на граѓанските организации преку гарантен фонд за поддршка на организациите што се добитници на проекти од европски и други фондови. На третата тематска сесија, граѓанските организации дискутираат отворено со министрите за актуелни прашања и предизвици од областа на образованието, животната средина, локалната самоуправа, одржлив туризам со поддршка на граѓанските организации и дигитализација за општ развој на општеството.
На 15 ноември 2024 година се одржа Националниот форум на Цивика мобилитас, организиран во соработка со Владата на Република Северна Македонија, како Годишна конференција на граѓанските организации за соработка меѓу Владата и граѓанското општество. На форумот учествуваа повеќе од 200 претставници на граѓански организации. Поздравно обраќање имаше амбасадорката на Швајцарија во Република Северна Македонија, Н.Е. Вероник Улман, а главни говорници беа: Христијан Мицкоски, претседател на Владата, Александар Кржаловски, лидер на тимот на Цивика мобилитас и Игор Јанушев, генерален секретар на Владата. Претседателот на Владата ја потврди отвореноста на Владата заедно да работи со граѓанскиот сектор и да најде заеднички решенија на реални проблеми. Генералниот секретар на Владата истакна дека Владата ќе поддржи независен и професионален граѓански сектор како партнер во креирањето на политиките и ќе спроведе реформи за зајакнување на финансиската поддршка на граѓанските организации преку гарантен фонд за поддршка на организациите што се добитници на проекти од европски и други фондови. На третата тематска сесија, граѓанските организации дискутираат отворено со министрите за актуелни прашања и предизвици од областа на образованието, животната средина, локалната самоуправа, одржлив туризам со поддршка на граѓанските организации и дигитализација за општ развој на општеството.
