На 25.10.2024 година се одржа втората од серијата средби „Дијалог меѓу Владата и граѓанскиот сектор“ на тема „Образование и младинско учество“, организирана во соработка со Меѓународниот републикански институт (ИРИ). На средбата, претседателот на Владата Христијан Мицкоски истакна дека образованието е столб на општеството и затоа е поставено високо меѓу владините приоритети.
На 25.09.2024 година, во просториите на Владата, се одржа првата од серијата средби со граѓанскиот сектор „Дијалог меѓу Владата и граѓанскиот сектор“, на тема „Владеење на правото, добро владеење и борба против корупција“, организирана во соработка со Меѓународниот Републикански Институт (ИРИ). Водечка цел на Владата на Република Северна Македонија е враќање на довербата на граѓаните во институциите, елиминирање на корупцијата и обезбедување на владеење на право.
На 7 април 2025 година, Советот за соработка меѓу Владата и граѓанското општество одржа конститутивна седница, на која поздравно обраќање имаа генералниот секретар на Владата, Игор Јанушев и заменикот на претседателот на Владата задолжен за политики на добро владеење, Арбен Фетаи. Генералниот секретар ја потенцираше посветеноста на Владата односите со граѓанските организации да ги гради врз основа на принципите на инклузивност и партиципативно планирање, сигурност и одговорност, отвореност и транспарентност, како неопходни инструменти за градење на еднаквост пред законот и одговорност на носителите на одлуки.“Во соработка и партнерство со граѓанските организации, со ефикасна и транспарентна работа на седниците на Советот, заедно ќе ја градиме државата како просперитетна, праведна и динамична демократија”, истакна Јанушев.
Добредојдовте на веб локацијата на Одделението за соработка со невладини организации на Генералниот секретаријат на Владата. Одделението е формирано како резултат на заложбите на Владата на Република Северна Македонија за институционализирање на соработката, промовирање, поддршка и унапредување на партнерските односи со граѓанскиот сектор.
Одделението е надлежно да го следи и координира спроведувањето на Стратегијата на Владата за соработка со и развој на граѓанскиот сектор, се грижи за унапредување на соработката на Владата со граѓанскиот сектор, преку вклучување на граѓанските организации во процесот на креирање политики и создавање услови за финансиска одржливост на граѓанскиот сектор, врши стручно-административна поддршка на работата на Советот за соработка со и развој на граѓанскиот сектор, Комисијата за распределба на финансиски средства наменети за финансирање на програмските активности на здруженија и фондации и на Комисијата за организации со статус од јавен интерес.
Во соработката со граѓанскиот сектор, Одделението ги почитува принципите на взаемна доверба, партнерство, независност, плурализам, учество, транспарентност, одговорност, еднакви можности и недискриминација.
На 22.12.2025 година, Советот за соработка меѓу Владата и граѓанското општество ја одржа Седмата седница, со која претседаваше претседателката на Советот, Никица Кусиникова. Советот расправаше за можностите за унапредување на правната рамка за делување на граѓанските организации преку измени на Законот за здруженија и фондации, Законот за донации и спонзорства во јавните дејности и Законот за волонтерство, како и за донесување на Закон за социјални претпријатија. Советот ги разгледа Предлог-Пасошите на показатели за следење на спроведувањето на Стратегијата на Владата за соработка со и развој на граѓанското општество 2025-2028 и се информираше за одржаните информативни средби со граѓански организации во Пелагонискиот и Источниот плански региони, како дел од Кампањата на Граѓанскиот ресурсен центар за информирање на граѓански организации за улогата на Советот за соработка меѓу Владата и граѓанското општество. Воедно, Советот ги разгледа можностите за отворање канал за директна комуникација (е-пошта, формулар) за прибирање на иницијативи од граѓанските организации, што треба да бидат дел од Комуникациската стратегија на Советот.
Во текот на месец декември 2025 година, Одделението за соработка со невладини организации организираше редовни индивидуални состаноци со членовите на Мрежата на државни службеници за соработка со граѓанското општество од Министерство за јавна администрација, Министерство за локална самоуправа, министерство за европски прашања, Министерство за економија и труд, Министерството за внатрешни работи и Министерството за здравство. Целта на состаноците беше информирање за мерките од Стратегијата на Владата за соработка со и развој на граѓанското општество, со Акциски план 2025-2028 со посебен осврт на Пасошите на показатели за следење на спроведувањето на Стратегијата и нивно соодветно дополнување како и методологијата за прибирање на податоците. Воедно, на состаноците беше објаснет и процесот на подготовка на извештајот за спроведување на Стратегијата, согласно Упатството за структурата, содржината и начинот на подготвување, спроведување, следење, известување и оценување на секторските и мултисекторските стратегии („Службен весник на РСМ“ бр.122/22).
На 18.12.2025 година, во х. Панорамика, Скопје и виртуелно, во организација на проектот финансиран од ЕУ „Техничка поддршка за подобрување на овозможувачката средина за граѓанските организации во Република Северна Македонија “, се одржа консултација на тема „Стандардизирање на правилата со кои се уредува државното финансирање на граѓанските организации - Модели, предизвици, решенија и правна регулатива“. Настанот се организира во рамки на тековниот процес за измени и дополнување на Законот за здруженија и фондации, кој го води Министерството за правда, со цел да се идентификуваат модели и конкретни правни решенија за транспарентно и одговорно државно финансирање, засновани на искуствата на граѓанското општество и институциите, како и на добри меѓународни практики. Заклучоците и препораките од оваа консултација ќе ѝ помогнат на работната група да подготви измени на Законот за здруженија и фондации што ќе ги одразуваат потребите на сите засегнати страни и ќе поддржат одржливо и отчетно државно финансирање.
На 22.12.2025 година, Советот за соработка меѓу Владата и граѓанското општество ја одржа Седмата седница, со која претседаваше претседателката на Советот, Никица Кусиникова. Советот расправаше за можностите за унапредување на правната рамка за делување на граѓанските организации преку измени на Законот за здруженија и фондации, Законот за донации и спонзорства во јавните дејности и Законот за волонтерство, како и за донесување на Закон за социјални претпријатија. Советот ги разгледа Предлог-Пасошите на показатели за следење на спроведувањето на Стратегијата на Владата за соработка со и развој на граѓанското општество 2025-2028 и се информираше за одржаните информативни средби со граѓански организации во Пелагонискиот и Источниот плански региони, како дел од Кампањата на Граѓанскиот ресурсен центар за информирање на граѓански организации за улогата на Советот за соработка меѓу Владата и граѓанското општество. Воедно, Советот ги разгледа можностите за отворање канал за директна комуникација (е-пошта, формулар) за прибирање на иницијативи од граѓанските организации, што треба да бидат дел од Комуникациската стратегија на Советот.
Во текот на месец декември 2025 година, Одделението за соработка со невладини организации организираше редовни индивидуални состаноци со членовите на Мрежата на државни службеници за соработка со граѓанското општество од Министерство за јавна администрација, Министерство за локална самоуправа, министерство за европски прашања, Министерство за економија и труд, Министерството за внатрешни работи и Министерството за здравство. Целта на состаноците беше информирање за мерките од Стратегијата на Владата за соработка со и развој на граѓанското општество, со Акциски план 2025-2028 со посебен осврт на Пасошите на показатели за следење на спроведувањето на Стратегијата и нивно соодветно дополнување како и методологијата за прибирање на податоците. Воедно, на состаноците беше објаснет и процесот на подготовка на извештајот за спроведување на Стратегијата, согласно Упатството за структурата, содржината и начинот на подготвување, спроведување, следење, известување и оценување на секторските и мултисекторските стратегии („Службен весник на РСМ“ бр.122/22).
а 18.12.2025 година, во х. Панорамика, Скопје и виртуелно, во организација на проектот финансиран од ЕУ „Техничка поддршка за подобрување на овозможувачката средина за граѓанските организации во Република Северна Македонија “, се одржа консултација на тема „Стандардизирање на правилата со кои се уредува државното финансирање на граѓанските организации - Модели, предизвици, решенија и правна регулатива“. Настанот се организира во рамки на тековниот процес за измени и дополнување на Законот за здруженија и фондации, кој го води Министерството за правда, со цел да се идентификуваат модели и конкретни правни решенија за транспарентно и одговорно државно финансирање, засновани на искуствата на граѓанското општество и институциите, како и на добри меѓународни практики. Заклучоците и препораките од оваа консултација ќе ѝ помогнат на работната група да подготви измени на Законот за здруженија и фондации што ќе ги одразуваат потребите на сите засегнати страни и ќе поддржат одржливо и отчетно државно финансирање.
