На 25.10.2024 година се одржа втората од серијата средби „Дијалог меѓу Владата и граѓанскиот сектор“ на тема „Образование и младинско учество“, организирана во соработка со Меѓународниот републикански институт (ИРИ). На средбата, претседателот на Владата Христијан Мицкоски истакна дека образованието е столб на општеството и затоа е поставено високо меѓу владините приоритети.
На 25.09.2024 година, во просториите на Владата, се одржа првата од серијата средби со граѓанскиот сектор „Дијалог меѓу Владата и граѓанскиот сектор“, на тема „Владеење на правото, добро владеење и борба против корупција“, организирана во соработка со Меѓународниот Републикански Институт (ИРИ). Водечка цел на Владата на Република Северна Македонија е враќање на довербата на граѓаните во институциите, елиминирање на корупцијата и обезбедување на владеење на право.
На 7 април 2025 година, Советот за соработка меѓу Владата и граѓанското општество одржа конститутивна седница, на која поздравно обраќање имаа генералниот секретар на Владата, Игор Јанушев и заменикот на претседателот на Владата задолжен за политики на добро владеење, Арбен Фетаи. Генералниот секретар ја потенцираше посветеноста на Владата односите со граѓанските организации да ги гради врз основа на принципите на инклузивност и партиципативно планирање, сигурност и одговорност, отвореност и транспарентност, како неопходни инструменти за градење на еднаквост пред законот и одговорност на носителите на одлуки.“Во соработка и партнерство со граѓанските организации, со ефикасна и транспарентна работа на седниците на Советот, заедно ќе ја градиме државата како просперитетна, праведна и динамична демократија”, истакна Јанушев.
Добредојдовте на веб локацијата на Одделението за соработка со невладини организации на Генералниот секретаријат на Владата. Одделението е формирано како резултат на заложбите на Владата на Република Северна Македонија за институционализирање на соработката, промовирање, поддршка и унапредување на партнерските односи со граѓанскиот сектор.
Одделението е надлежно да го следи и координира спроведувањето на Стратегијата на Владата за соработка со и развој на граѓанскиот сектор, се грижи за унапредување на соработката на Владата со граѓанскиот сектор, преку вклучување на граѓанските организации во процесот на креирање политики и создавање услови за финансиска одржливост на граѓанскиот сектор, врши стручно-административна поддршка на работата на Советот за соработка со и развој на граѓанскиот сектор, Комисијата за распределба на финансиски средства наменети за финансирање на програмските активности на здруженија и фондации и на Комисијата за организации со статус од јавен интерес.
Во соработката со граѓанскиот сектор, Одделението ги почитува принципите на взаемна доверба, партнерство, независност, плурализам, учество, транспарентност, одговорност, еднакви можности и недискриминација.
На 28,11.2025 година, во Граѓанскиот ресурсен центар Скопје, во организација на проектот финансиран од ЕУ „Техничка поддршка за подобрување на овозможувачката средина за граѓанските организации во Република Северна Македонија“, се одржа тркалезна маса на тема „Вршење стопански дејности од страна на здруженија и фондации – Можности и предизвици во законското уредување“. Настанот се организира во рамки на тековниот процес за измени и дополнување на Законот за здруженија и фондации, кој го води Министерството за правда. Едно од прашањата кои се разгледуваат во овој процес е и правното уредување на стопанските дејности што ги спроведуваат здруженијата и фондациите, вклучително и опсегот на дозволените дејности, можните ограничувања и транспарентноста. На настанот беа презентирани и дискутирани споредбени европски модели кои можат да придонесат кон балансиран пристап на уредување и поддршка на одржливоста на граѓанскиот сектор. Заклучоците и препораките од оваа тркалезна маса ќе ѝ помогнат на работната група да подготви измени на Законот за здруженија и фондации што ќе ги одразуваат потребите на сите засегнати страни и ќе поддржат одржливост, отчетност и фер конкуренција.
На 26.11.2025 година се одржа Националниот форум – Саем на граѓанските организации „Соработка на Владата и граѓанското општество“, кој втора година по ред се организира во соработка меѓу Владата на Република Северна Македонија и Швајцарската програма за поддршка на граѓанското општество Цивика мобилитас, која ја спроведува Македонскиот центар за меѓународна соработка (МЦМС). На свеченото отворање Претседателот на Владата Христијан Мицкоски ја пренесе визијата на Владата за граѓанскиот сектор како силен, независен, професионален и одржлив кој е вистински партнер во креирањето и реализацијата на државните политики, „сектор кој ја засилува демократијата, ги штити правата на граѓаните, ја следи работата на институциите и помага да се затвори јазот меѓу институциите и народот“.
На 26.11.2025 година се одржа 6. седница на Советот за соработка меѓу Владата и граѓанското општество, како дел од Националниот форум – Саем на граѓанските организации „Соработка на Владата и граѓанското општество“, во присуство на генералниот секретар на Владата, Игор Јанушев. „Еден од принципите врз основа на кои Владата работи на унапредување на соработката и односите со граѓанските организации е принципот на отвореност и транспарентност, како неопходни инструменти за градење еднаквост пред законот и одговорност на носителите на одлуки. Владата го покажа својот отворен и искрен пристап во вклучување на граѓанските организации во процесите на креирање на јавните политики, токму преку повторното воспоставување на независен, репрезентативен и ефективен Совет за соработка меѓу Владата и граѓанското општество, истакна Јанушев. Членовите на Советот дискутираа за актуелни прашања поврзани со овозможувачката околина за граѓанските организации (Законот за здруженија и фондации, државното финансирање на граѓанските организации, користењето на Единствениот национален електронски регистар на прописи ЕНЕР и др.). Исто така, беа номинирани и претставници на Советот во Работната група за измени и дополнување на Законот за здруженија и фондации, Никица Кусиникова од Здружение Конект (член) и Емилиа Ѓероска од Про Локал од Битола (заменик член).
На 28,11.2025 година, во Граѓанскиот ресурсен центар Скопје, во организација на проектот финансиран од ЕУ „Техничка поддршка за подобрување на овозможувачката средина за граѓанските организации во Република Северна Македонија“, се одржа тркалезна маса на тема „Вршење стопански дејности од страна на здруженија и фондации – Можности и предизвици во законското уредување“. Настанот се организира во рамки на тековниот процес за измени и дополнување на Законот за здруженија и фондации, кој го води Министерството за правда. Едно од прашањата кои се разгледуваат во овој процес е и правното уредување на стопанските дејности што ги спроведуваат здруженијата и фондациите, вклучително и опсегот на дозволените дејности, можните ограничувања и транспарентноста. На настанот беа презентирани и дискутирани споредбени европски модели кои можат да придонесат кон балансиран пристап на уредување и поддршка на одржливоста на граѓанскиот сектор. Заклучоците и препораките од оваа тркалезна маса ќе ѝ помогнат на работната група да подготви измени на Законот за здруженија и фондации што ќе ги одразуваат потребите на сите засегнати страни и ќе поддржат одржливост, отчетност и фер конкуренција.
На 26.11.2025 година се одржа Националниот форум – Саем на граѓанските организации „Соработка на Владата и граѓанското општество“, кој втора година по ред се организира во соработка меѓу Владата на Република Северна Македонија и Швајцарската програма за поддршка на граѓанското општество Цивика мобилитас, која ја спроведува Македонскиот центар за меѓународна соработка (МЦМС). На свеченото отворање Претседателот на Владата Христијан Мицкоски ја пренесе визијата на Владата за граѓанскиот сектор како силен, независен, професионален и одржлив кој е вистински партнер во креирањето и реализацијата на државните политики, „сектор кој ја засилува демократијата, ги штити правата на граѓаните, ја следи работата на институциите и помага да се затвори јазот меѓу институциите и народот“.
