На 25.09.2024 година, во просториите на Владата, се одржа првата од серијата средби со граѓанскиот сектор „Дијалог меѓу Владата и граѓанскиот сектор“, на тема „Владеење на правото, добро владеење и борба против корупција“, организирана во соработка со Меѓународниот Републикански Институт (ИРИ). Водечка цел на Владата на Република Северна Македонија е враќање на довербата на граѓаните во институциите, елиминирање на корупцијата и обезбедување на владеење на право.
На 4.9.2024 година, во просториите на Граѓанскиот ресурсен центар, во Скопје, се одржа дебата на тема Зајанување на соработка меѓу Владата и граѓанското општество. На настанот, дискусијата беше фокусирана на овозможувачката средина за развој на граѓанското општество - моментална состојба и идни чекори. Генералниот секретар на Владата г. Игор Јанушев во своето обраќање истакна дека граѓанските организации се срцето на секоја демократска држава.
Одделението за соработка со невладини организации на Генералниот секретаријат на Владата заедно со Граѓанскиот ресурсен центар, во периодот 14-16 март во Гостивар, Скопје и Штип, организираа три консултативни средби за Нацрт-извештајот за напредокот во спроведувањето на Акцискиот план за спроведување на Стратегијата на Владата на Република Северна Македонија за соработка со и развој на граѓанското општество 2022-2024 и постигнување на стратешките и оперативните цели во 2022 година. На консултативните средби, повеќе од 70 претставници на граѓански организации дискутираа за статусот на спроведувањето на активностите и дадоа предлози за приоритетите во спроведувањето на Стратегијата во следниот период.
Добредојдовте на веб локацијата на Одделението за соработка со невладини организации на Генералниот секретаријат на Владата. Одделението е формирано како резултат на заложбите на Владата на Република Северна Македонија за институционализирање на соработката, промовирање, поддршка и унапредување на партнерските односи со граѓанскиот сектор.
Одделението е надлежно да го следи и координира спроведувањето на Стратегијата на Владата за соработка со и развој на граѓанскиот сектор, се грижи за унапредување на соработката на Владата со граѓанскиот сектор, преку вклучување на граѓанските организации во процесот на креирање политики и создавање услови за финансиска одржливост на граѓанскиот сектор, врши стручно-административна поддршка на работата на Советот за соработка со и развој на граѓанскиот сектор, Комисијата за распределба на финансиски средства наменети за финансирање на програмските активности на здруженија и фондации и на Комисијата за организации со статус од јавен интерес.
Во соработката со граѓанскиот сектор, Одделението ги почитува принципите на взаемна доверба, партнерство, независност, плурализам, учество, транспарентност, одговорност, еднакви можности и недискриминација.
На 25.10.2024 година се одржа втората од серијата средби „Дијалог меѓу Владата и граѓанскиот сектор“ на тема „Образование и младинско учество“, организирана во соработка со Меѓународниот републикански институт (ИРИ). На средбата, претседателот на Владата Христијан Мицкоски истакна дека образованието е столб на општеството и затоа е поставено високо меѓу владините приоритети. Без квалитетно образование, нема ниту квалитетни доктори, наставници, економисти. Тој го повика граѓанскиот сектор активно да учествува во креирањето и спроведувањето на образовните политики и заеднички да се создадат подобри услови за едукација на младите, а со тоа и подобра иднина во сопствената земја. Обраќања имаа и министерката за образование и наука Весна Јаневска, министерот за социјална политика, демографија и млади Фатмир Лимани и министерот за локална самоуправа Златко Перински. За време на дебатата, претставниците на граѓанските организации изнесоа свои предлози за мерки, проекти и системски решенија со кои, како што рекоа, ќе се задржат младите во својата земја и тука ќе го градат и реализираат својот потенцијал.
Одделението за соработка со невладините организации на Генералниот секретаријат на Владата во партнерство со проектите финансирани од Европската Унија „ЕУ поддршка за Граѓанскиот ресурсен центар – фаза 2” и „Техничка поддршка за подобрување на овозможувачката средина за граѓанските организации во Република Северна Македонија”, ги поканува претставниците на граѓанските организации, релевантните државни органи, како и сите заинтересирани лица на консултации за измена на Одлуката за формирање на Совет за соработка меѓу Владата и граѓанското општество.
Консултативните средби ќе се одржат со следниот распоред:
24 октомври 2024, од 12:00-14:00 часот во Ресурсен центар Гостивар (Бул. Браќа Гиноски 1/спрат 1)
25 октомври 2024 од 12:00 – 14:00 часот во зградата на Општина Битола, Битола
Доколку сте заинтересирани да се вклучите во консултациите, ве молиме регистрирајте го вашето учество на следниотлинк
Одделението за соработка со невладините организации на Генералниот секретаријат на Владата во соработка со Проектот за техничка поддршка за подобрување на овозможувачката средина за граѓанските организации во Република Северна Македонија финансиран од Европската Унија, ги поканува претставниците на граѓанските организации, релевантните државни органи, како и сите заинтересирани лица на консултации за измена на Одлуката за формирање на Совет за соработка меѓу Владата и граѓанското општество.
Консултациите ќе се одржат виртуелно, на Зум (Zoom) платформата на 15 октомври 2024 година со почеток од 11:00 до 12:45 часот.
На консултациите ќе бидат презентирани и дискутирани нацрт измените и дополнувањата на Одлуката за формирање на Совет за соработка меѓу Владата и граѓанското општество, подготвени врз основа на пристигнатите предлози од граѓански организации по јавниот повик за консултации објавен од Одделението за соработка со невладини организации на Генералниот секретаријат на 5.9.2024 година на www.nvosorabotka.gov.mk.
Доколку сте заинтересирани да се вклучите во консултациите, ве молиме регистрирајте го вашето учество на следниотлинк.
одина се одржа втората од серијата средби „Дијалог меѓу Владата и граѓанскиот сектор“ на тема „Образование и младинско учество“, организирана во соработка со Меѓународниот републикански институт (ИРИ). На средбата, претседателот на Владата Христијан Мицкоски истакна дека образованието е столб на општеството и затоа е поставено високо меѓу владините приоритети. Без квалитетно образование, нема ниту квалитетни доктори, наставници, економисти. Тој го повика граѓанскиот сектор активно да учествува во креирањето и спроведувањето на образовните политики и заеднички да се создадат подобри услови за едукација на младите, а со тоа и подобра иднина во сопствената земја. Обраќања имаа и министерката за образование и наука Весна Јаневска, министерот за социјална политика, демографија и млади Фатмир Лимани и министерот за локална самоуправа Златко Перински. За време на дебатата, претставниците на граѓанските организации изнесоа свои предлози за мерки, проекти и системски решенија со кои, како што рекоа, ќе се задржат младите во својата земја и тука ќе го градат и реализираат својот потенцијал.
